9-mart, shanba kuni futbol bo‘yicha Angliya premyer ligasining 30-turi doirasida dastlabki 7 ta uchrashuv bo‘lib o‘tdi.
Musobaqa jadvalida 3-o‘rinda borayotgan Londonning “Tottenhem” klubi safarda “Sauthempton”ga qarshi maydonga tushdi.
Uchrashuvning 26-daqiqasida Harri Keyn Dele Allining uzatmasini golga aylatirgan bo‘lsa, 76-daqiqaga kelib Yann Valeri hisobni tenglashtirdi (1:1). Oradan 5 daqiqa o‘tib Jeyms Uord-Prouz Ugo Lyoris darvozasini jarima zarbasidan ishg‘ol qildi (2:1).
Shu tariqa “shporlar” safarda kechgan bahsda “Sauthempton”ga kichik hisobda mag‘lub bo‘ldi va 3 ochkodan mahrum bo‘ldi (1:2).
Musobaqa jadvalida yetakchilikni o‘z qo‘liga olgan Xosep Gvardiola boshliq “Manchester Siti” klubi o‘z maydonida “Uotford”ni sinovdan o‘tkazdi.
Bellashuvning 46, 50 va 59-daqiqalarida Rahim Sterling het-trikka erishgan bo‘lsa, “Uotford” jamoasi 66-daqiqada Jerar Deulofeu tomonidan kiritilgan gol bilan javob qaytardi (3:1).
Shu tariqa “shaharliklar” “Ittihod” stadionida kechgan bahsda “Uotford” ustidan ishonchli g‘alabani qo‘lga kiritdi va klub navbatdagi 3 ochkoga ega bo‘ldi (3:1).
APL
30-tur bahslari
9-mart, shanba
“Kristal Pelas”—“Byorton” 1:2
Gollar: 0:1 — 19 Marrey, 1:1 — 50, penalti, Milivoyevich, 1:2 — 74 Nokaer“Lester”—“Fulhem” 3:1
Gollar: 1:0 — 21 Tilemans, 1:1 — 51 Ayte, 2:1 — 78 Vardi, 3:1 — 86 VArdi“Kardiff”—“Vest Hem” 2:0
Gollar: 1:0 — 4 Hoylett, 2:0 — 52 Kamarasa“Sauthempton”—“Tottenhem” 2:1
Gollar: 0:1 — 26 Keyn, 1:1 — 76 Valeri, 2:1 — 81 Uord-Prouz“Haddersfild”—“Bornmut” 0:2
Gollar: 0:1 — 20 Uilson, 0:2 — 66 Freyzer“Nyukasl”—“Everton” 3:2
Gollar: 0:1 — 18 Kalvert-Levin, 0:2 — 32 Risharlison, 1:2 — 65 Rondon, 2:2 — 81 Peres, 3:2 — 84 Peres“Manchester Siti”—“Uotford” 3:1
Gollar: 1:0 — 46 Sterling, 2:0 — 50 Sterling, 3:0 — 59 Sterling, 3:1 — 66 JerarYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)