9-mart, shanba kuni futbol bo‘yicha Angliya premyer ligasining 30-tur bahslariga start beriladi.
Musobaqa jadvalida 3-o‘rinda borayotgan Londonning “Tottenhem” klubi safarda “Sauthemton”ga qarshi maydonga tushadi. Uchrashuv Toshkent vaqti bilan soat 20:00 da boshlanadi. Eslatib o‘tamiz, Maurisio Pochettino shogirdlari Yevropa Chempionlar Ligasi 1/8 finalida “Borussiya Dortmund”ni mag‘lub etib, keying bosqichga chiqqandi (umumiy hisob — 4:0).
Shu kuni musobaqa jadvalida yetakchilikni o‘z qo‘liga olgan Xosep Gvardiola boshliq “Manchester Siti” klubi o‘z maydonida “Uotford”ni sinovdan o‘tkazadi. Bahsga 22:30 da start beriladi.
10-mart, yakshanba kuni 70 ochko to‘plagan holda musobaqa jadvalida ikkinchi o‘rinda borayotgan Muhammad Saloh yetakchiligidagi “Liverpul” jamoasi “Enfild” stadionida “Byornli” bilan bahsga kirishadi. O‘yin soat 17:00 da boshlanishi belgilangan.
Mauritsio Sarri boshqaruvidagi Londonning “Chelsi” klubi o‘z maydonida “Vulverhempton” bilan o‘ynaydi. Bellashuv soat 19:05 da start oladi.
Turning markaziy uchrashuvi “Emireyts”da bo‘lib o‘tadi. Unda Unai Emeri qo‘l ostidagi “Arsenal” klubi Ole-Gunnar Sulsher boshliq “Manchester Yunayted” jamoasi bilan jang qiladi. To‘qnashuv 21:30 da boshlanadi. Ma’lumot uchun, Manchester klubi Chempionlar Ligasining nimchorak finalida Parijning PSJ jamoasini ikki o‘yin natijasiga ko‘ra 4:3 hisobida mag‘lubiyatga uchratib, keying bosqichga chiqdi.
29-turdan so‘ng musobaqa jadvalidagi holat:
APL
30-tur bahslari
9-mart, shanba
“Kristal Pelas”—“Byorton” 17:30
“Lester”—“Fulhem” 20:00
“Kardiff”—“Vest Hem” 20:00
“Sauthempton”—“Tottenhem” 20:00
“Haddersfild”—“Bornmut” 20:00
“Nyukasl”—“Everton” 20:00
“Manchester Siti”—“Uotford” 22:30
10-mart, yakshanba“Liverpul”—“Byornli” 17:00
“Chelsi”—“Vulverhempton” 19:05
“Arsenal”—“Manchester Yunayted” 21:30
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)