Kseniya Sobchak turmush o‘rtog‘i bilan rasman ajrashganini ma’lum qildi

Rossiyalik teleboshlovchi Kseniya Sobchak va uning turmush o‘rtog‘i Maksim Vitorgan o‘zaro bayonot bilan chiqib, anchadan beri alohida yashayotganini ma’lum qildi, deb yozadi Sputnik.

“Bu mavzu bo‘yicha barcha gap-so‘zlarni to‘xtatish maqsadida munosabatlarimiz haqida jamoatchilikka bildirishga majbur bo‘ldik. Biz anchadan beri o‘z shaxsiy hayotimiz bilan alohida yashayapmiz. Birga yashagan vaqtimizda bir birimizga sodiq bo‘lganmiz. Mol-mulkimizni, qolaversa, mehribon ota-ona sifatida katta qilayotgan farzandimizni bo‘lishmaymiz”, — degan Kseniya Sobchak Instagram’dagi sahifasida.

Matnni “Kseniya Sobchak Maksim Vitorgan” deb imzolagan.

https://www.instagram.com/p/BuuOhrogcHY/?utm_source=ig_embed

Eslatib o‘tamiz, juftlik munosabatlaridagi inqiroz o‘tgan yil kuzida boshlangan. Ular birga yurishmas, bir qancha vaqt avval nikoh uzuklarini ham taqmay qo‘yishgan. Kseniya Sobchak ko‘proq rejissyor Konstantin Bogomolov bilan birga ko‘rina boshlagan.

Kseniya Sobchak va Vitorgan 2013-yilda turmush qurgan. Ular “Exo Moskvi” radiostansiyasi bosh direktorining tug‘ilgan kunida ilk bor birga paydo bo‘lgan, biroq aktyor va teleboshlovchining tez orada to‘yi bo‘lib ketgani hatto Sobchakning do‘stlarini ham hayron qoldirgan.