2019-yilning 18-fevral kuni soat 18:50 da Samarqand shahar FVV boshqarma navbatchilik qismiga farzandining qo‘li go‘sht qiymalagich ichiga kirib qolganligi haqida xabar kelib tushgan. Bu haqda FVV matbuot xizmati xabar berdi.
Aniqlanishicha, Beruniy ko‘chasi 23-uy 43-xonadonda istiqomat qiluvchi fuqaro Y. M.ning farzandi 2017-yilda tug‘ilgan A.F.ning o‘ng qo‘li uy-sharoitida foydalaniladigan elektr go‘sht qiymalagich ichiga kirib qolgan.
Shundan so‘ng, zudlik bilan boshqarma mas’ul navbatchisi va besh nafar qutqaruvchilar RShTYIM Samarqand filiali jarrohlik bo‘limiga yetib borgan.
Ushbu vaziyatda bolaning qisilib qolgan barmoqlarini jarohatsiz chiqarib olish bo‘yicha tibbiy xodimlar va qutqaruvchilarning hamkorlikdagi o‘ta ehtiyotkorlik va mahorat bilan amalga oshirgan harakatlari natijasida elektr go‘sht qiymalagich maxsus moslamalar bilan kesib olindi.
Olib borilgan tezkor harakatlar natijasida bolaning qo‘li moslamadan chiqarib olindi.
Izoh (0)