2019 йилнинг 18 февраль куни соат 18:50 да Самарқанд шаҳар ФВВ бошқарма навбатчилик қисмига фарзандининг қўли гўшт қиймалагич ичига кириб қолганлиги ҳақида хабар келиб тушган. Бу ҳақда ФВВ матбуот хизмати хабар берди.
Аниқланишича, Беруний кўчаси 23-уй 43-хонадонда истиқомат қилувчи фуқаро Й. М.нинг фарзанди 2017 йилда туғилган А.Ф.нинг ўнг қўли уй-шароитида фойдаланиладиган электр гўшт қиймалагич ичига кириб қолган.
Шундан сўнг, зудлик билан бошқарма масъул навбатчиси ва беш нафар қутқарувчилар РШТЙИМ Самарқанд филиали жарроҳлик бўлимига етиб борган.
Ушбу вазиятда боланинг қисилиб қолган бармоқларини жароҳатсиз чиқариб олиш бўйича тиббий ходимлар ва қутқарувчиларнинг ҳамкорликдаги ўта эҳтиёткорлик ва маҳорат билан амалга оширган ҳаракатлари натижасида электр гўшт қиймалагич махсус мосламалар билан кесиб олинди.
Олиб борилган тезкор ҳаракатлар натижасида боланинг қўли мосламадан чиқариб олинди.
Изоҳ (0)