“O‘zbekiston temir yo‘llari” aksiyadorlik jamiyati tomonidan yangi yo‘nalishlarni ko‘paytirish, xizmat ko‘rsatish sifatini yaxshilash va yo‘lovchilarning xavfsiz harakatlanishini ta'minlash bo‘yicha samarali ishlar olib borilmoqda, deyiladi kompaniya xabarida.
“O‘zbekiston temir yo‘llari” aksiyadorlik jamiyati 2019-yilning 1-martidan boshlab “Afrosiyob” tezyurar poyezdlaridan tashqari barcha mahalliy yo‘nalishlarda qatnovchi yo‘lovchi poyezdlar chiptalarining narxi 20% ga oshishini ma'lum qiladi.
Bu o‘z navbatida har kuni sarflanib kelinayotgan elektr energiya, xom ashyolar, harakatlanish davomida vujudga keladigan barcha harajatlarni qoplash va poyezdda xizmat ko‘rsatuvchi barcha xodimlarga munosib ish haqini to‘lashga zamin yaratadi, deyiladi xabarda.
Narxlarni tartibga solish o‘z navbatida poyezd yo‘nalishlari sonining ko‘payishiga olib keladi va ijtimoiy ahamiyatga ega bo‘lgan yo‘nalishlarni doimiy ravishda ta’minlab turadi.
Izoh (0)