12-fevralda O‘zbekiston hududining katta qismida yog‘ingarchilik kutilmaydi. Faqat janubiy viloyatlarda yana nam havo massalarining kirib kelishi hisobiga ba’zi joylarda yomg‘ir yog‘ishi mumkin. Harorat kechalari 5-7 daraja iliqqacha, kunduz kunlari 14-17 daraja iliqqacha ko‘tarilishi kutilmoqda. Bu haqda “O‘zgidromet” markaziga tayanib O‘zA ma’lum qilmoqda.
13—14-fevralda esa mamlakat iliq havo massalari ta’siri ostida bo‘ladi. So‘ng Volgabo‘yi hududlaridan nisbatan salqin havo massalari kirib keladi. Shunda mamlakatning ba’zi joylarida yomg‘ir yog‘adi, shimolda yog‘ingarchilik (yomg‘ir, qor) bo‘ladi. 14-fevralda kunduz kuni havo harorati 5-10 daraja iliqqacha pasayadi.
15-fevralda hududlarning ko‘p qismida yog‘ingarchilik kutilmaydi, faqat Toshkent viloyati va Farg‘ona vodiysi viloyatlarining ba’zi joylarida yomg‘ir yog‘adi. Kechasi va ertalab yomg‘ir qorga aylanishi mumkin. Havo harorati kechasi 2 daraja sovuq – 3 daraja iliqqacha pasayadi, kunduzi 7-12 daraja iliqni tashkil etadi.
16-fevralda yog‘ingarchilik kutilmaydi. Havo harorati 10-15 daraja iliqqacha ko‘tariladi.
Izoh (0)