“Bishkek—Toshkent” xalqaro avtobus qatnovi qayta tiklandi, deya xabar beradi “Gazeta.uz”.
Uch tomonlama kelishuvga asosan tuzilgan qatnov jadvali joriy yilning 4-fevralida Qozog‘iston Infratuzilmalar va taraqqiyot vazirligining transport qo‘mitasi tomonidan imzolandi.
“Yangi tasdiqlangan harakat jadvali bo‘yicha qatnov vaqti soat 09:00, 16:50 va 23:30 qilib belgilandi. Toshkent avtovokzalidan jo‘nash vaqti o‘zgarishsiz qoldirildi, avtobuslar soat 09:00, 18:00 va 22:00 da jo‘naydi”, — deyiladi xabarda.
Eslatib o‘tamiz, 2019-yilning 24-yanvar kuni “Bishkek—Toshkent” xalqaro avtobus yo‘nalishi bo‘yicha qatnov vaqtinchalik to‘xtatilgan edi.
Izoh (0)