7-fevralning e’tiborga molik yangiliklari — “Daryo” dayjestida.
Surxondaryo viloyati Termiz shahri yaqinida, Amudaryoning ikkiga bo‘lingan o‘rta qismida 4 ming gektar maydonni egallagan “Payg‘ambar oroli” nomi bilan mashhur orol mavjud.
XVII asrda yashagan balxlik mashhur qomusiy olim Mahmud ibn Valiy “Sirlar dengizi” asarida payg‘ambar Zul-Kifl alayhissalom dafn etilgan Termiz yaqinidagi orol (Payg‘ambar oroli) Hakim Termiziy bilan Hizr alayhissalomning uchrashuv joyi bo‘lganini qayd etadi.
***
Investorlar tomonidan Qoraqolpog‘iston Respublikasi Mo‘ynoq tumanida kazino (o‘yin biznesi)ni tashkil qilish masalasi bo‘yicha takliflar berilgan.
***
Prezident farmoni bilan O‘zbekistonda Transport vazirligi tashkil etildi.
“Transport sohasida davlat boshqaruvi tizimini tubdan takomillashtirish chora-tadbirlari to‘g‘risida”gi Prezident farmoni imzolandi.
Farmonga ko‘ra, O‘zbekiston avtomobil transporti agentligi negizida O‘zbekiston Respublikasi Transport vazirligi tashkil etildi.
***
Prokuror Jamshid Kenjayev ishi bo‘yicha voqealar aks ettirilgan videoni sudga taqdim etdi.
7-fevral kuni Jinoyat ishlari bo‘yicha Toshkent shahar sudida marhum Jamshid Kenjayev ishi yuzasidan davom etayotgan sud jarayonining navbatdagi majlisi bo‘lib o‘tdi. Sudda Jamshid Kenjayev va uning sheriklarini ziyofatdan so‘ng “Aurum-898” tungi klubga mashinada eltib qo‘ygan guvoh Sanjar Tursunov so‘roq qilindi.
Prokuror sud majlisida iltimosnoma kiritib, ish bo‘yicha voqealar aniq va sifatli aks ettirilgan videolavhani taqdim etib, uni tomosha qilishni taklif etdi. Sudya prokurorning iltimosini qanoatlantirib, barcha guvohlar so‘rov qilingandan so‘ng, video ko‘rib chiqilishini bildirdi.
***
Sankt-Peterburgda ikki o‘zbekistonlik yuqori qavatdan yiqilib halok bo‘ldi.
Birinchi hodisa Sankt-Peterburgdagi “Shimoliy zavod”da, 28 yoshli yigit Kolomyajskaya prospektidagi binoni pardozlayotgan vaqtda sodir bo‘lgan. U binoning ikkinchi qavatidan tushib ketgan.
Ikkinchi hodisa Murino shahrida sodir bo‘lgan bo‘lib, 20 yoshli migrant Volonsovskaya xiyobonida qurilayotgan turar joy binosining 14-qavatidan tushib ketgan.
Eslatib o‘tamiz, 5-fevral kuni Sankt-Peterburgning Kimyo-farmatsevtika davlat universiteti talabasi bo‘lgan o‘zbekistonlik 23 yoshli Boburbek Ochilov tomdan muz bo‘lagi tushishi oqibatida vafot etdi.
Izoh (0)