Ispaniya Kubogi. “Barselona” o‘z maydonida “Real”ni yuta olmadi (video)
6-fevral, chorshanba kuni Ispaniya Kubogining 1/2 final uchrashuvi doirasida dastlabki to‘qnashuv bo‘lib o‘tdi.
Unda Ernesto Valverde boshqaruvidagi “Barselona” klubi “Kamp Nou” stadionida Santyago Solari qo‘l ostidagi “Real Madrid” klubi bilan musobaqa final yo‘llanmasi uchun kurash olib bordi.
Bellashuvning 6-daqiqasidayoq Vinisius Junior—Karim Benzema uzatmasidan so‘ng Lukas Vaskes “Real”ni hisobda oldinga olib chiqdi (1:0).
2-bo‘limning 58-daqiqasiga kelib, kataloniyaliklar a’zosi Malkom Keylor Navas qo‘riqlayotgan darvozaga gol urdi va hisobni tenglashtirdi (1:1).
Shu tariqa musobaqa yarim finalining dastlabki uchrashuvi 1:1 hisobida yakunlandi va g’olib nomi aniqlanmadi. Javob o‘yini 28-fevral kuni Madridda bo‘lib o‘tadi.
Ispaniya Kubogi
1/2 final bahsi
6-fevral, chorshanba
“Barselona”—“Real Madrid” 1:1
Gollar: 0:1 — 6 Vaskes, 1:1 — 57 Malkom“Barselona”: ter Shtegen, Semedu, Pike, Rakitich (Vidal, 63), Buskets, Koutinyo (Messi, 64), Artur, Suares, Malkom (Alena, 76), Langle, Alba.
“Real Madrid”: Navas, Karvaxal, Ramos, Varan, Marselo, Lyorente (Kasemiro, 63), Kroos, Modrich, Vaskes (Asensio, 84), Benzema, Vinisius (Beyl, 64).
Ogoshlantirishlar: Ramos (10), Semedu (43), Suares (56), Alba (58), Vidal (88)
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
