Polshaning Varshava shahri mezbonlik qilayotgan World Boxing tashkiloti kubogi ikkinchi bosqichining ilk kunida o‘zbekistonlik 3 nafar bokschi ringga chiqib, ularning barchasi g‘alaba qozondi.
Ushbu musobaqa 10—17-may kunlari Varshavadagi COS Torwar majmuasida bo‘lib o‘tadi. Turnirda O‘zbekiston terma jamoasi 9 nafar bokschi bilan qatnashmoqda.
To‘liq tarkib:
-55 kg: Mirazizbek Mirzahalilov
-60 kg: Samandar Olimov
-65 kg: Asadxo‘ja Mo‘ydinxo‘jayev
-70 kg: Gofur Tohirov
-75 kg: Fazliddin Erkinboyev
-80 kg: Javohir Ummataliyev
-85 kg: Akmaljon Isroilov
+92 kg: Jahongir Zokirov
-57 kg: Xumorabonu Mamajonova
Kecha, 12-may kuni o‘zbekistonlik bokschilar musobaqadagi ishtirokini boshladi. Kun davomida 3 nafar sportchi ringga chiqib, barchasida g‘alaba qozonishni uddaladi.
Dastlab, -60 kg vaznda ringga ko‘tarilgan Samandar Olimov mezbon Maykl Akoto-Ampavni 5:0 hisobida mag‘lub etib, chorak finalga yo‘l oldi. Keyin Asadxo‘ja Mo‘ydinxo‘jayev ham -65 kg vaznda shvetsiyalik Hampus Bromandan 5:0 hisobida ustun kelib, keyingi bosqich ishtirokchisiga aylandi. Kunning so‘nggi bahsida Jahongir Zokirov ringga chiqdi. U +90 kg vazn toifasida yana bir mezbon — Oskar Koperani ikkinchi raundda texnik nokautga uchratdi.
Ma’lumot uchun, 31-martdan 5-aprelga qadar bo‘lib o‘tgan World Boxing tashkiloti kubogining dastlabki bosqichiga Braziliyaning Fos-du-Iguasu shahri mezbonlik qilgan. Mazkur musobaqada O‘zbekiston terma jamoasi medal jamg‘arish bo‘yicha birinchi o‘rinni egallagan edi.
Izoh (0)