6 февраль, чоршанба куни Испания Кубогининг 1/2 финал учрашуви доирасида дастлабки тўқнашув бўлиб ўтди.
Унда Эрнесто Вальверде бошқарувидаги «Барселона» клуби «Камп Ноу» стадионида Сантьяго Солари қўл остидаги «Реал Мадрид» клуби билан мусобақа финал йўлланмаси учун кураш олиб борди.
Беллашувнинг 6-дақиқасидаёқ Винисиус Жуниор—Карим Бензема узатмасидан сўнг Лукас Васкес «Реал»ни ҳисобда олдинга олиб чиқди (1:0).
2-бўлимнинг 58-дақиқасига келиб, каталонияликлар аъзоси Малком Кейлор Навас қўриқлаётган дарвозага гол урди ва ҳисобни тенглаштирди (1:1).
Шу тариқа мусобақа ярим финалининг дастлабки учрашуви 1:1 ҳисобида якунланди ва ғолиб номи аниқланмади. Жавоб ўйини 28 февраль куни Мадридда бўлиб ўтади.
Испания Кубоги
1/2 финал баҳси
6 февраль, чоршанба
«Барселона»—«Реал Мадрид» 1:1
Голлар: 0:1 — 6 Васкес, 1:1 — 57 Малком«Барселона»: тер Штеген, Семеду, Пике, Ракитич (Видаль, 63), Бускетс, Коутиньо (Месси, 64), Артур, Суарес, Малком (Алена, 76), Лангле, Алба.
«Реал Мадрид»: Навас, Карвахаль, Рамос, Варан, Марсело, Льоренте (Касемиро, 63), Кроос, Модрич, Васкес (Асенсио, 84), Бензема, Винисиус (Бэйл, 64).
Огошлантиришлар: Рамос (10), Семеду (43), Суарес (56), Алба (58), Видаль (88)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)