Venesuela tashqi ishlar vaziri Vashingtonni davlat to‘ntarilishini qo‘llab-quvvatlaganlikda aybladi

Venesuela Tashqi ishlar vaziri Xorxe Arreasa mamlakatda davlat to‘ntarilishini tashkillashtirishda AQSh prezidenti Donald Tramp turganligini ma’lum qilgan, deya xabar beradi “Interfaks”.

“Donald Tramp o‘zining harbiy kuch ishlatish to‘g‘risidagi yangi tahdidlari bilan davlat to‘ntarilishiga aynan u boshchilik qilayotganini isbotladi”, — deydi vazir.

Diplomat Venesuela muholifati Tramp nazoratida ekanligini qayd etgan.Tramp o‘z intervyusida Venesuela ishiga harbiy aralashuvni inkor etmayotganin ma’lum qilgan.

Venesuela vitse-prezidenti Delsi Rodriges venesuellaliklar har qanday tashqi aralashuvga chiday olmasligini aytgan.

Buyuk Britaniya, Fransiya, Germaniya va bir qator Yevropa mamlakatlari Xuana Guaydoni Venesuela prezidenti etib tan olmoqchi.