Qozog‘istonning Ostona shahridagi hovlilardan birida yuz bergan yong‘in oqibatida besh nafar bola halok bo‘lgan, deya xabar beradi “Tengrinews”.
Hodisa Sariq arka tumanining Chingiztau ko‘chasida sodir bo‘lgan.
“4-fevral kuni soat 02:34 da 101 raqamiga xususiy yashash uyida yong‘in yuz bergani to‘g‘risida ma’lumot kelib tushgan. Yong‘in maydoni 30 kvadrat metrni tashkil qilgan, 25 kvadrat metr tom qulab tushgan.
O‘t o‘chiruvchi bo‘linma yong‘inni 03:24 daqiqa ichida butunlay bartaraf qilgan. Yong‘in o‘chirish vaqtida 2006, 2008, 2013, 2015 va 2018-yillarda tug‘ilgan besh nafar bolaning jasadi topilgan. Ota-onasi ishda bo‘lgan”, — deyiladi xabarda.
Izoh (0)