Ozarbayjon iqtisodiyot vaziri boshchiligidagi delegatsiya O‘zbekistonga keladi

Ozarbayjon iqtisodiyot vaziri Shahin Mustafayev boshchiligidagi mamlakat delegatsiyasi 4—5-fevral kunlari O‘zbekistonda bo‘ladi. Bu haqda Uzdaily xabar bermoqda.

Delegatsiya tarkibiga qishloq xo‘jalik vaziri Inom Kerimov, “Ozarbayjon temir yo‘llari”, “Kaspiy dengiz paroxodchiligi”, “Boku xalqaro dengiz savdo porti” va boshqa aksiyadorlik jamiyatlari, qator kompaniyalari rahbarlari kiradi.

Ozarbayjon delegatsiyasini O‘zbekiston bosh vaziri Abdulla Aripov va bosh vazir o‘rinbosari Elyor G‘aniyev qabul qilishi kutilmoqda.

Delegatsiya a’zolari O‘zbekistonning tegishli vazirlik va kompaniyalari rahbarlari bilan muzokaralar olib borishi, ishlab chiqarish korxonalarida bo‘lishi ko‘zda tutilgan.