2019-yili viloyat qishloq xo‘jaligida yuqori hosil etishtirish, o‘tgan yilda yo‘l qo‘yilgan xato va kamchiliklarni takrorlamaslik maqsadida soha faxriylari, katta tajribaga ega malakali mutaxassislar, ilg‘or fermer xo‘jaliklari rahbarlaridan iborat tarkibda Maslahat kengashi tuzildi. Bu haqda Surxondaryo viloyat hokimligi axborot xizmati ma’lum qildi.
Viloyat hokimligida bo‘lib o‘tgan uchrashuvda Maslahat kengashi a’zolari ilg‘or tajribalari bilan o‘rtoqlashdi. Sohaga oid hal qilish lozim bo‘lgan qator muhim vazifalar, xususan, qishloq xo‘jaligi ekin maydonlari unumdorligini oshirish, chidamli, ertapishar, serhosil ekin navlaridan foydalanish, agrotexnik tadbirlarni o‘z vaqtida sifatli amalga oshirish, agroklaster faoliyatini rivojlantirish, yangi loyihalarni hayotga tatbiq qilish yuzasidan o‘z fikr-mulohazalari, takliflarini bayon etdi.
Bildirilgan taklif, fikr va mulohazalar, muhokamalar jarayonida olingan ma’lumotlar asosida joriy qishloq xo‘jaligi mavsumida tegishli chora-tadbirlarni amalga oshirish belgilandi.
Kengash tarkibiga qishloq xo‘jaligi sohasi faxriylari, katta tajribaga ega malakali mutaxassislar, ilg‘or fermer xo‘jaliklari rahbarlari kirdi
Izoh (0)