Turkiya prezidentining maslahatchisi Yasin Aktay mamlakatda bo‘lib turgan BMT delegatsiyasi jurnalist Jamol Qoshiqchining o‘ldirilishi bo‘yicha ishda Saudiya Arabistoni merosxo‘r shahzodasi Muhammad bin Salmonni asosiy gumonlanuvchi degan fikrda ekanligini ma’lum qildi, deb yozadi “Gazeta.ru”.
U mazkur bayonotni BMTning maxsus ma’ruzachisi Agnes Kallamard bilan uchrashuvi yakunlari bo‘yicha ma’lum qildi. Agnes Kallamard hafta boshidan buyon Saudiya muxolifatchi jurnalistining o‘ldirilishi yuzasidan dalillarni o‘rganish uchun Turkiyada bo‘lib turmoqda.
“BMT delegatsiyasi merosxo‘r shahzodani qotillikda asosiy gumonlanuvchi sifatida ko‘rmoqda”, — dedi Aktay.
Avvalroq BMT delegatsiyasi Qoshiqchi o‘ldirilgan elchixonaga kiritilmaganligi ma’lum qilingan edi.
Izoh (0)