“Barselona” 19 yoshli Todiboni o‘z safiga qo‘shib oldi

“Tuluza” himoyachisi Jan-Kler Todibo “Barselona” klubiga o‘tdi. Bu haqda Kataloniya klubi rasmiy saytida xabar berildi.

19 yoshli futbolchi kataloniyaliklar bilan 4,5 yilga mo‘ljallangan shartnoma imzoladi. U “Barselona” tarkibida 6-raqamda to‘p suradi.

Futbolchining “Tuluza” klubi bilan tuzgan shartnomasi mavsum oxirida tugardi, shundan so‘nggina u “ko‘k-anor ranglilar” safiga kelib qo‘shilishi lozim edi. Ammo tomonlar qishki transferlar vaqtida bu kelishuvni amalga oshirishni ma’qul ko‘rdi.

Todibo Fransiya klubi bilan yangi shartnoma tuzishdan bosh tortgani bois, o‘yinchi 2018-yilning 3-noyabridan buyon tarkibda o‘ynamadi.

Ma’lumot uchun himoyachi joriy mavsumda Fransiya chempionati doirasida 10 ta uchrashuvda maydonga tushib, 1 ta gol urishga muvaffaq bo‘ldi.