«Тулуза» ҳимоячиси Жан-Клер Тодибо «Барселона» клубига ўтди. Бу ҳақда Каталония клуби расмий сайтида хабар берилди.
19 ёшли футболчи каталонияликлар билан 4,5 йилга мўлжалланган шартнома имзолади. У «Барселона» таркибида 6-рақамда тўп суради.
Футболчининг «Тулуза» клуби билан тузган шартномаси мавсум охирида тугарди, шундан сўнггина у «кўк-анор ранглилар» сафига келиб қўшилиши лозим эди. Аммо томонлар қишки трансферлар вақтида бу келишувни амалга оширишни маъқул кўрди.
Тодибо Франция клуби билан янги шартнома тузишдан бош тортгани боис, ўйинчи 2018 йилнинг 3 ноябридан буён таркибда ўйнамади.
Маълумот учун ҳимоячи жорий мавсумда Франция чемпионати доирасида 10 та учрашувда майдонга тушиб, 1 та гол уришга муваффақ бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)