Toshkent markazidagi “Chorsu” mehmonxonasini rekonstruksiya qilish bilan shug‘ullanayotgan turkiyalik investor Axmet Demir poytaxtda Divan by Demir restoranini ochdi. Bu haqda “Xalq so‘zi” xabar bermoqda.
Tadbirkorga ko‘ra, restoranga hozirgacha 1,2 million AQSh dollari sarflandi. Ishni yo‘lga qo‘yib olish uchun yana biroz mablag‘ xarj qilinishi kutilyapti.
— 150 nafar xodimimiz bor. Ulardan sakkiz nafar oshpaz Turkiyadan kelgan. Yana turk millatiga mansub 4 nafar vakilimiz bor. Qolganlar esa o‘zbekistonlik. Mehmonxona uchun, ayni paytdagi rejamizga ko‘ra, 350 nafar xodim kerak bo‘ladi. Bu yerda ishlayotganlar kelgusida u yoqqa ko‘chib o‘tadi, ularning o‘rnini esa yangilar bilan to‘ldiramiz. Ular ham zarur ish tajribasiga ega bo‘lgach, mehmonxonada faoliyatini davom ettiradi, — deydi Axmet Demir.
Izoh (0)