Тошкент марказидаги «Чорсу» меҳмонхонасини реконструкция қилиш билан шуғулланаётган туркиялик инвестор Ахмет Демир пойтахтда Divan by Demir ресторанини очди. Бу ҳақда «Халқ сўзи» хабар бермоқда.
Тадбиркорга кўра, ресторанга ҳозиргача 1,2 миллион АҚШ доллари сарфланди. Ишни йўлга қўйиб олиш учун яна бироз маблағ харж қилиниши кутиляпти.
— 150 нафар ходимимиз бор. Улардан саккиз нафар ошпаз Туркиядан келган. Яна турк миллатига мансуб 4 нафар вакилимиз бор. Қолганлар эса ўзбекистонлик. Меҳмонхона учун, айни пайтдаги режамизга кўра, 350 нафар ходим керак бўлади. Бу ерда ишлаётганлар келгусида у ёққа кўчиб ўтади, уларнинг ўрнини эса янгилар билан тўлдирамиз. Улар ҳам зарур иш тажрибасига эга бўлгач, меҳмонхонада фаолиятини давом эттиради, — дейди Ахмет Демир.
Изоҳ (0)