27-yanvar, yakshanba kuni futbol bo‘yicha Ispaniya chempionatining 21-tur bahslari doirasida 3 ta o‘yin bo‘lib o‘tdi.
Ushbu turda Santyago Solari qo‘l ostidagi Madridning “Real” klubi “Espanyol” mehmoni bo‘ldi.
1-bo‘limning 4-daqiqasidayoq Karim Benzema hisobni ochdi (1:0). 15-daqiqaga kelib madridliklar sardori Serxio Ramos Luka Modrich uzatgan to‘pni darvozaga joylab qo‘ydi (2:0). 45-daqiqada esa fransiyalik hujumchi Karim Benzema jamoasining 3-goliga mualliflik qildi va dublga erishdi. (3:0).
Vinisius Junior o‘rniga maydonga tushgan Garet Beyl 67-daqiqada Lukas Vaskes uzatmasini golga aylantirdi va hisobni yirik ko‘rinishga olib keldi (4:1). Oradan 5 daqiqa o‘tib himoyachi Rafael Varan qo‘pol o‘yini uchun hakam tomonidan to‘g‘ridan to‘g‘ri qizil kartochka bilan jazolandi.
“Real” o‘yin oxiriga qadar bir kishi kam bo‘lib harakat qildi. 81-daqiqada esa Roberto Rosales Tibo Kurtua qo‘riqlayotgan darvozani ishg‘ol qildi va hisobni qisqartirdi (4:2). Shu tariqa “Qirollik klubi” mazkur turda “Espanyol” ustidan 4:2 hisobida g‘alaba qozondi va 3 ochkoni qo‘lga kiritdi.
La Liga
21-tur bahslari
27-yanvar, yakshanba
“Real Sosyedad”—“Ueska” 0:0
“Atletik Bilbao”—“Betis” 1:0
Gol: 1:0 — 21 Muniain.“Espanyol”—“Real Madrid” 2:4
Gollar: 0:1 — 4 Benzema, 0:2 — 15 Ramos, 1:2 — 25 Baptistao, 1:3 — 45 Benzema, 1:4 — 67 Beyl, 2:4 — 81 Rosales.“Espanyol”: Lopes, Lyuis Lopes, Vila (Rosales, 64), Lopes, Ermoso, Darder (Melendo, 75), Mark Roka, Aleks Lopes, Garsiya, Iglesias, Baptistao (Pyatti, 71).
“Real Madrid”: Kurtua, Varan, Regilon, Karvaxal, Ramos (Nacho, 46), Kroos, Kazemiro, Vaskes, Modrich (Marselo, 76), Vinisius Junior (Beyl, 64), Benzema.
Ogohlantirishar: Roka (7), Ramos (15), Garsiya (34), Karvaxal (81), Lopes (85), Nacho (88), Kurtua (90).
Chetlatish: Varan (72).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)