27 январь, якшанба куни футбол бўйича Испания чемпионатининг 21-тур баҳслари доирасида 3 та ўйин бўлиб ўтди.
Ушбу турда Сантьяго Солари қўл остидаги Мадриднинг «Реал» клуби «Эспаньол» меҳмони бўлди.
1-бўлимнинг 4-дақиқасидаёқ Карим Бензема ҳисобни очди (1:0). 15-дақиқага келиб мадридликлар сардори Серхио Рамос Лука Модрич узатган тўпни дарвозага жойлаб қўйди (2:0). 45-дақиқада эса франциялик ҳужумчи Карим Бензема жамоасининг 3-голига муаллифлик қилди ва дублга эришди. (3:0).
Винисиус Жуниор ўрнига майдонга тушган Гарет Бэйл 67-дақиқада Лукас Васкес узатмасини голга айлантирди ва ҳисобни йирик кўринишга олиб келди (4:1). Орадан 5 дақиқа ўтиб ҳимоячи Рафаэль Варан қўпол ўйини учун ҳакам томонидан тўғридан-тўғри қизил карточка билан жазоланди.
«Реал» ўйин охирига қадар бир киши кам бўлиб ҳаракат қилди. 81-дақиқада эса Роберто Росалес Тибо Куртуа қўриқлаётган дарвозани ишғол қилди ва ҳисобни қисқартирди (4:2). Шу тариқа «Қироллик клуби» мазкур турда «Эспаньол» устидан 4:2 ҳисобида ғалаба қозонди ва 3 очкони қўлга киритди.
Ла Лига
21-тур баҳслари
27 январь, якшанба
«Реал Сосьедад»—«Уэска» 0:0
«Атлетик Бильбао»—«Бетис» 1:0
Гол: 1:0 — 21 Муниаин.«Эспаньол»—«Реал Мадрид» 2:4
Голлар: 0:1 — 4 Бензема, 0:2 — 15 Рамос, 1:2 — 25 Баптистао, 1:3 — 45 Бензема, 1:4 — 67 Бэйл, 2:4 — 81 Росалес.«Эспаньол»: Лопес, Льюис Лопес, Вила (Росалес, 64), Лопес, Эрмосо, Дардер (Мелендо, 75), Марк Рока, Алекс Лопес, Гарсия, Иглесиас, Баптистао (Пьятти, 71).
«Реал Мадрид»: Куртуа, Варан, Регилон, Карвахаль, Рамос (Начо, 46), Кроос, Каземиро, Васкес, Модрич (Марсело, 76), Винисиус Жуниор (Бэйл, 64), Бензема.
Огоҳлантиришар: Рока (7), Рамос (15), Гарсия (34), Карвахаль (81), Лопес (85), Начо (88), Куртуа (90).
Четлатиш: Варан (72).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)