23-yanvar kuni Madaniyat vazirining birinchi o‘rinbosari Ozodbek Nazarbekov Turkiyaning Anqara shahrida Turkiya Madaniyat va turizm vazirining birinchi o‘rinbosari Ahmad Holiq Dursun bilan uchrashdi, deya xabar beradi “UZ24”.
Muzokara chog‘ida Turkiyada O‘zbekiston madaniyati kunlari hamda O‘zbekistonda Turkiya madaniyati kunlarini o‘tkazish, shuningdek, har ikki davlatda ham madaniyat markazlarini tashkil etish, madaniy hamkorlikni yanada mustahkamlash masalalari muhokama etilgan.
Turkiyada O‘zbekiston madaniyati kunlarini 2019-yilning oktabr oyida o‘tkazishga kelishib olindi.
Izoh (0)