Butunjahon sog‘liqni saqlash tashkiloti Xitoyda tarqalgan yangi koronavirus yuzaga keltirayotgan pnevmoniya sabab xalqaro ahamiyatdagi favqulodda vaziyatni e’lon qilishga hali erta deb topdi. Bu haqda tashkilot bosh direktori Tedros Adxanom Gebreyesusga tayanib, Meduza xabar berdi.
“Bu Xitoy uchun favqulodda holat, biroq hali global ko‘lamdagi favquloddagi vaziyatga aylanmadi”, — deydi Tedros. Uning ta’kidlashicha, hozirda virus bilan kasallanganlar soni 584 nafarni, vafot etganlar esa 17 kishini tashkil etmoqda. Shundan virus bilan kasallanganlarning 575 nafari va halok bo‘lganlarning barchasi Xitoyda.
Tedrosning ta’kidlashicha, yangi turdagi virus o‘ziga yuqtirib olganlarning chorak qismida og‘ir kasallikni keltirib chiqargan; vafot etganlarning aksariyati gipertoniya, diabet yoki yurak-qon kasalliklaridan aziyat chekkan.
“Bizga hali ko‘p narsa ma’lum emas. Virusning manbasi nima ekanligini, u qanchalik oson tarqalishini, klinik ahamiyati yoki og‘irlilik darajasini bilmaymiz”, — deydi Xalqaro sog‘liqni saqlash tashkiloti rahbari.
Mavzuga doir:
Izoh (0)