Angliyaning Bat shahrida qisqa muddatli saraton kasalligini boshdan kechirgan boshlang‘ich maktab direktori Syu Ist vafot etgan, deya xabar berdi “Afisha Daily”.
Ayol o‘quvchilari tomonidan chizilgan suratlar bilan bezatilgan tobutda dafn etildi.
O‘zining o‘limi kuni Ist o‘quvchilariga vidolashuv maktubi yo‘llab, unda o‘quvchilariga “xursandchilik va do‘stlik” uchun minnatdorchilik bildirdi. Shuningdek u o‘z maktubida Klayv Steyplz Lyuisning romanidan parcha keltirib, o‘limni qayiqda gorizontga suzish bilan taqqoslash mumkinligini yozib qoldirgan.
“Hech qachon unutmang, qanchalik qiyin bo‘lmasin har qanday vaziyatdan mo‘jiza topish mumkin”, — u shunday deya o‘z maktubini yakunlagan.Direktor bilan vidolashuv marosimiga uning hamkasblari, o‘quvchilari va ota-onalardan iborat 700 kishi kelgan.
Izoh (0)