Har birimiz quyonlar o‘txo‘rlar turkumiga kirishini yaxshi bilamiz. Ammo yaqinda biologlar amerika oq quyoni go‘shtxo‘r ekanligini aniqladi. Bu haqda “TravelAsk” xabar berdi.
Kanadaning Toronto universiteti biologlari quyonlar o‘laksalarni yeyishi to‘g‘risidagi ma’lumotlarni tekshirishga qaror qildi. Ayrim tadqiqotchilar quyonlarning bunday odatlari haqida gapirgan, ammo oq quyonlar nafaqat o‘simlik balki hayvon ozuqasini ham yeyishi to‘g‘risidagi isbotlar biologlarda bo‘lmagan.Kanadalik biologlar sinov poligoni sifatida Klueyn ko‘lini tanladi. Mavjud taxminlarni tasdiqlash uchun ular o‘rmonga o‘lik hayvonlarni qo‘yib chiqqan. Tuzoq qo‘yilgan joylarga kameralar o‘rnatilgan, bu esa quyonlarning odatlarini fosh qilishga yordam bergan.
Ma’lum bo‘lishicha, amerika oq quyonlari o‘simliklardan tashqari o‘laksalar bilan ham oziqlangan. Bu fanda haqiqiy sensatsiya bo‘ldi. Biroq qayd etish lozimki, o‘laksalarni quyonlar qishda yeydi, yozda esa ularni chetlab o‘tadi.Bu tabiiy albatta, sababi yozda o‘simliklarni topish muammo tug‘dirmaydi, qishda esa hamma narsa qor ostida qolganda yegulik topish u qadar oson ish bo‘lmaydi. Shu sababdan ham quyonlar o‘laksalarni yeyishga majbur bo‘ladi.
Izoh (0)