O‘zbekiston iste’molchilar huquqlarini himoya qilish jamiyatlari federatsiyasi tomonidan “Orolbo‘yini obod etaylik” loyihasi ishlab chiqildi. Bu haqda O‘zA xabar bermoqda.
Loyiha doirasida O‘zbekiston iste’molchilar huquqlarini himoya qilish jamiyatlari federatsiyasi tashabbusi bilan O‘rmon xo‘jaligi davlat qo‘mitasi hamkorligi va amaliy ko‘magida Orol dengizining suvsiz qolgan 5 ming gektarlik hududida yashil o‘rmonlar tashkil etish, amalga oshiriladigan tadbirlar davomida aholini mavsumiy ish bilan ta’minlash asosiy maqsad qilib belgilangan.
Prezidentning 2019-yil uchun mo‘ljallangan eng muhim ustuvor vazifalar haqida Oliy Majlisga Murojaatnomasida ekoxavfsizlik, suv va tabiiy resurslardan foydalanish borasida belgilab berilgan atrof-muhit muhofazasiga qaratilgan vazifalarni bajarishda davlat tashkilotlari bilan bir qatorda jamoat birlashmalari va fuqarolik jamiyati institutlarini ham faol ishtirokini ta’minlash kerakligi nazarda tutilgan edi. Shu munosabat bilan O‘zbekiston iste’molchilar huquqlarini himoya qilish jamiyatlari federatsiyasi ayni tashabbus bilan chiqqan.
Izoh (0)