O‘zbekiston ma’muriy sudlari 2018-yilda ommaviy-huquqiy munosabatlardan kelib chiquvchi 22 052 ta ishni ko‘rib chiqdi. Bu haqda Oliy sudning rasmiy vakili Aziz Obidov ma’lum qildi, deb yozadi “Gazeta.uz”.
Ko‘rilgan ishlar natijasida 17 007 nafar fuqaro va yuridik shaxslarning huquqlari tiklangan, 130 nafar mansabdor shaxsga nisbatan intizomiy jazo choralari qo‘llanilgan.
Ma’muriy sudlar 477 316 kishiga nisbatan Ma’muriy javobgarlik to‘g‘risidagi kodeksda ko‘zda tutilgan 383 733 ta huquqbuzarlik to‘g‘risidagi ishni ko‘rib chiqdi.
Bunda 317,2 ming kishiga nisbatan jarima, maxsus huquqdan mahrum etish, ma’muriy qamoq va O‘zbekiston hududidan chiqarib yuborish ko‘rinishidagi ma’muriy jazolar tayinlangan.
Jumladan, 2018-yilda 1 511 nafar haydovchi yengil tan jarohatlariga olib kelgan YHQni buzganlik uchun transport vositasini boshqarish huquqidan mahrum etilgan.
Izoh (0)