Andijon shahrida Qurolli Kuchlar tashkil etilganligining 27 yilligi va Vatan himoyachilari kuni munosabati bilan harbiy yurish va texnikalar paradi o‘tkazildi. Unda 35 mingdan ortiq harbiy va fuqarolar ishtirok etdi. Bu haqda “Daryo”ga jurnalist Umidjon Mamarasulov xabar berdi.
Dastlab maydon bo‘ylab mudofaaga ko‘maklashuvchi “Vatanparvar” tashkiloti o‘quv-sport texnika klublariga qarashli harbiy va sport texnikalari, ularning ortidan ishlab chiqilgan avtomobillar, zirhli, jangovar, o‘q otar vositalari bilan qurollangan harbiy texnikalar chiqib keldi.
So‘ngr Sharof Rashidov, Amir Temur hamda Navoiy shohko‘chalari bo‘ylab Andijon garnizoniga qarashli harbiy qismlar, Milliy gvardiya, ichki ishlar, mudofaa va favqulodda vaziyatlar boshqarmalari, mudofaaga ko‘maklashuvchi “Vatanparvar” tashkiloti, viloyat korxonalari, tashkilotlari, muassasalari, o‘quv yurtlari xodimlaridan iborat harbiylashtirilgan kolonnalar yurishi tashkil etildi.
Mashaqqatli va sharafli kasb egalarining bayrami qishning o‘rtasida nishonlanishida ham ramziy ma’no bor, zero sarhadlarning daxlsizligiga mas’ullar yurt osoyishtaligi yo‘lida barcha qiyinchiliklarga tayyor turadi. Qishning ekvatori bo‘lishiga qaramay, quyoshli, iliq ob-havobayram kayfiyatiga kayfiyat qo‘shdi.
Qariyb 3 kilometrga cho‘zilgan yo‘nalish bo‘ylab tizilgan aholi vakillari harbiylarni gullar va olqishlar bilan kuzatdi.
Izoh (0)