13-yanvar kuni Mudofaa vazirligi hamda Jismoniy tarbiya va sport vazirligi hamkorligida O‘zbekiston Qurolli Kuchlari kuch tuzilmalari o‘rtasida “Sog‘lomlashtirish aksiyasi” o‘tkazildi. Unda 300 nafarga yaqin harbiy xizmatchi bilan birga professional sportchilar ham ishtirok etdi, deb yozadi O‘zA.
Tantanali ochilish marosimida O‘zbekiston Prezidentining maslahatchisi Abdujabbor Abduvohidov, Prezident huzuridagi Xavfsizlik kengashi kotibi Viktor Mahmudov, Yoshlar ittifoqi Toshkent shahar kengashi raisi hamda davlat va jamoat tashkilotlari vakillari so‘zga chiqib, barchani 14-yanvar — Vatan himoyachilari kuni bilan tabrikladi.
Ishtirokchilar uzoq masofaga yugurishi oldidan Vatanga qasamyod monumenti poyiga gulchambar qo‘yildi.
Erkaklar va ayollar o‘rtasidagi musobaqaga Qurolli Kuchlar davlat muzeyi oldida start berildi. Bu haqda Mudofaa vazirligi matbuot xizmati xabar berdi.
Finish chizig‘i Xalqlar do‘stligi maydonida bo‘lib, ikki manzil orasidagi masofa 10 kilometrdan oshdi.
Belgilangan marraga yetib kelgan ishtirokchilarni harbiy xizmatchilar, kursantlar hamda poytaxt aholisi va mehmonlari tantanali tarzda kutib oldi.
Erkaklar o‘rtasida marraga birinchi bo‘lib, Mudofaa vazirligi Sport klubi vakili Shoxruh Dovlatov yetib kelgan bo‘lsa, ayollar o‘rtasida birinchilikni Mudofaa vazirligi sport klubining yana bir yorqin vakili Katya Tunguskova qo‘lga kiritdi.
Erkaklar o‘rtasida:
- 1-o‘rin — Shoxruh Davlatov (Mudofaa vazirligi Sport klubi);
- 2-o‘rin — Vladislav Mamedov (Mudofaa vazirligi Sport klubi);
- 3-o‘rin — Zikrillo Mamatqulov (Ichki ishlar vazirligi).
- 1-o‘rin — Katya Tunguskova (Mudofaa vazirligi Sport klubi);
- 2-o‘rin — Marina Xmelevskaya (Mudofaa vazirligi Sport klubi);
- 3-o‘rin — Nurxon Muhiddinova (Mudofaa vazirligi Sport klubi).
Izoh (0)