Gaz taminoti bo‘yicha fuqarolarga asossiz ravishda qarzdorliklar yozilishi tez-tez kuzatilmoqda. Ana shunday holatlardan biri Beruniy tumanining “Do‘stlik” ovulida yashovchi fuqaro U.Qurbonov bilan yuz berdi, deya xabar beradi O‘zA.
2017-yil 15-aprel kuni Qurbonovlar xonadoni qarzdorliklar sababli tarmoqdan ajratilgan. Shunga qaramasdan shu kungacha bo‘lgan, ya’ni 20 oy muddat ichida hajm ko‘rinishda normativ hisobda 4 012 000 so‘m to‘lov hamda dalolatnoma jarimasiga 299 550 so‘m, jami 4 311 550 so‘m qarzdorlik yozilganligi aniqlandi.
Iste’molchilar huquqlarini himoya qilish jamiyati tomonidan olib borilgan ishlar natijasida qo‘llanilgan 4 012 000 so‘m to‘lov normativ bo‘yicha qayta xatlovdan o‘tkazilib, fuqaroga 74 934 so‘m hisoblab berildi. Iste’molchi xonadoni gaz tarmog‘iga ulandi.
Izoh (0)