Samarqand xalqaro aeroportiga “Sheremyetovo–Samarqand” yo‘nalishidagi 1874-sonli aviareys bilan uchib kelgan O‘zbekiston fuqarosi U.N. “yashil” yo‘lak orqali bojxona nazoratidan o‘tayotganda, uning sumkasi ichidan 5 ta konvalyutada bo‘lgan jami 47 dona “Alprazolam” nomli tabletkalar borligi ma’lum bo‘ldi. Bu haqda “Daryo” muxbiri Farhod Norbo‘tayev xabar bermoqda.
Ekspert-kriminalistika ekspertiza xulosasiga binoan “Alprazolam” tabletkalari O‘zbekistonda muomalada bo‘lishi cheklangan psixotrop moddalarning ro‘yxatiga muvofiq chegaralangan psixotrop moddalar turkumiga kirishi ma’lum qilingan.
Samarqand viloyati bojxona boshqarmasi axborot xizmati ma’lumotiga ko‘ra, hozirda mazkur holat yuzasidan tergovga qadar tekshiruv harakatlari olib borilmoqda.
Ma’lumot uchun O‘zbekiston Vazirlar Mahkamasining 2015-yil 12-noyabrdagi 330-son qaroriga ko‘ra “Alprazolam” moddasi O‘zbekistonda muomalada bo‘lishi cheklangan psixotrop moddalar ro‘yxatiga kiritilgan.
Izoh (0)