Yer yuzidagi yo‘llarni sanash deyarli imkonsiz. Ularning barchasi qayerlargadir eltadi, qayerlarnidir bog‘laydi. Ba’zilari shaharlar o‘rtasidan o‘tsa, boshqalari mingyillik tog‘lar va vodiylar orasida yastanib yotadi. Biroq yo‘llarning hammasi ham hayratdan dahshatgacha bo‘lgan turli hissiyotlarni keltirib chiqaravermaydi, deb yozadi “Segodnya.ua”. E’tiboringizga dunyoning turli mamlakatlaridan o‘tadigan eng chiroyli va antiqa yo‘llarni taqdim etamiz.
Olovli yo‘l, Nevada, AQSh
Ushbu yo‘l atrofidagi ko‘plab tosh va tuproq qotishmalari quyosh nurlarida jilolanib, olovli qoyalarni eslatadi.
Atlantika yo‘li, Norvegiya
Ushbu yo‘l yettita ko‘prikdan o‘tib, Atlantika okeanini tomosha qilish uchun ajoyib manzara taqdim etadi. Havo yaxshi bo‘lsa, kitlarni ham ko‘rish mumkin.
Rotang-Pess, Hindiston
Bu yo‘ldan tog‘lar va tepaliklarning ajoyib manzarasini kuzatish mumkin. Biroq ehtiyot bo‘lish lozim: ushbu hudud tuproq ko‘chishi bilan ham mashhur.
Intersteyt 70, Yuta, AQSh
Yuta yo‘llaridan qorli manzaralarni kuzatish uchun o‘tish mumkin.
Qoraqurum shossesi, Xitoy−Pokiston
1960-yillarda qurilgan, aniqrog‘i shunchaki buldozerlar bilan tozalab chiqilgan yo‘l hozirda Xitoy va Pokistonni bog‘laydi.
Milford, Yangi Zelandiya
Trassaning 300 kilometrdan ortiq qismi Fyordland milliy bog‘i hududidan o‘tadi. Bu yerda “Uzuklar hukmdori” filmi epizodlari suratga olingan.
Blyu-Ridj Parkuey, AQSh
Shimoliy Karolina va Virjiniya shtatlarini bog‘laydigan yo‘lning atrofini Shimoliy Amerikaning klassik manzaralari egallagan.Ushbu yo‘ldan kuzda o‘tilsa, Appalachi tog‘ining butun go‘zalligiga guvoh bo‘lasiz.
Chepmen, JAR
Trassaning bir tarafi tog‘ bo‘lsa, ikkinchi tarafi dengizga qaragan.
Buyuk okean yo‘li, Avstraliya
Ushbu yo‘l bo‘ylab ulkan ohaktosh qotishmalarini, chiroyli qo‘riqxonalarni, ulkan maydonlar-u qalin o‘rmonlarni uchratish mumkin.
Kol de l’Izeran, Fransiya
Alp tog‘laridagi asfaltlangan yo‘llarning eng yuqorisida joylashgan bo‘lib, faqat yozda ochiladi, bu yerdan Tur de Frans poygalari ham o‘tadi.
Shimoliy Yungas yo‘li, Boliviya
Ushbu yo‘l atrofi juda chiroyli bo‘lishiga qaramay, ancha xavfli hamdir: xavfli burilishlar, faqat bir yo‘nalishli harakat va tig‘iz qayrilishlar bunga sabab.
40-yo‘l, Argentina
6000 kilometrlik yo‘l Argentina shimolidan boshlanib, janubida tugaydi hamda 18 ta daryo va 20 ta qo‘riqxonani kesib o‘tadi.
Trollstingen, Norvegiya
Bu yo‘l haqida fotosuratning o‘zidan hamma narsani bilib olish mumkin. Faqtgina bir narsani ko‘rsatib bo‘lmaydi: surat Stigfossen sharsharasinign yuqorisidan olingan.
Jabal Xafit, BAA
Uzoq yo‘lning oxirida BAAda balandligi bo‘yicha ikkinchi o‘rinda turadigan tog‘ga duch kelasiz.
Oversiz-Xayvey, Florida, AQSh
Yo‘l davomida 181 kilometrlik 42 ta ko‘prikdan o‘tishga to‘g‘ri keladi. Go‘yoki suv yuzasidan ketayotgandek bo‘lasiz.
A82 yo‘li, Shotlandiya
Yo‘l davomida Shotlandiya tabiatining deyarli barcha qirralarini kashf etasiz.
Kebot, Kanada
O‘rmonlar, okean va kitlar − Yangi Shotlandiya tabiatining o‘ziga xos jihatlarini ushbu yo‘l atrofida ko‘rasiz.
163-Trassa, AQSh
Uzunligi 100 kilometrga ham yetmaydigan yo‘l Arizonadan Yutadagi Yodgorliklar vodiysigacha boradi.
Oberalp dovoni, Shveysariya
2000 metr balandlikdagi yo‘l faqat yozda ochiq bo‘ladi, qishda esa poyezdda borish mumkin.
Ruta 23, Argentina
Kolumbiya daryosi bo‘yidagi yo‘l
Gotthard Pass, Italiyadan Shveysariyaga Alp tog‘lari orqali o‘tuvchi yo‘l
Sun Road, Montana, AQSh
Millau ko‘prigi, Fransiya
Izoh (0)