Ер юзидаги йўлларни санаш деярли имконсиз. Уларнинг барчаси қаерларгадир элтади, қаерларнидир боғлайди. Баъзилари шаҳарлар ўртасидан ўтса, бошқалари мингйиллик тоғлар ва водийлар орасида ястаниб ётади. Бироқ йўлларнинг ҳаммаси ҳам ҳайратдан даҳшатгача бўлган турли ҳиссиётларни келтириб чиқаравермайди, деб ёзади «Сегодня.ua». Эътиборингизга дунёнинг турли мамлакатларидан ўтадиган энг чиройли ва антиқа йўлларни тақдим этамиз.
Оловли йўл, Невада, АҚШ
Ушбу йўл атрофидаги кўплаб тош ва тупроқ қотишмалари қуёш нурларида жилоланиб, оловли қояларни эслатади.
Атлантика йўли, Норвегия
Ушбу йўл еттита кўприкдан ўтиб, Атлантика океанини томоша қилиш учун ажойиб манзара тақдим этади. Ҳаво яхши бўлса, китларни ҳам кўриш мумкин.
Ротанг-Песс, Ҳиндистон
Бу йўлдан тоғлар ва тепаликларнинг ажойиб манзарасини кузатиш мумкин. Бироқ эҳтиёт бўлиш лозим: ушбу ҳудуд тупроқ кўчиши билан ҳам машҳур.
Интерстейт 70, Юта, АҚШ
Юта йўлларидан қорли манзараларни кузатиш учун ўтиш мумкин.
Қорақурум шоссеси, Хитой−Покистон
1960 йилларда қурилган, аниқроғи шунчаки булдозерлар билан тозалаб чиқилган йўл ҳозирда Хитой ва Покистонни боғлайди.
Милфорд, Янги Зеландия
Трассанинг 300 километрдан ортиқ қисми Фёрдланд миллий боғи ҳудудидан ўтади. Бу ерда «Узуклар ҳукмдори» фильми эпизодлари суратга олинган.
Блю-Ридж Паркуэй, АҚШ
Шимолий Каролина ва Виржиния штатларини боғлайдиган йўлнинг атрофини Шимолий Американинг классик манзаралари эгаллаган.Ушбу йўлдан кузда ўтилса, Аппалачи тоғининг бутун гўзаллигига гувоҳ бўласиз.
Чепмэн, ЖАР
Трассанинг бир тарафи тоғ бўлса, иккинчи тарафи денгизга қараган.
Буюк океан йўли, Австралия
Ушбу йўл бўйлаб улкан оҳактош қотишмаларини, чиройли қўриқхоналарни, улкан майдонлар-у қалин ўрмонларни учратиш мумкин.
Col de L’Iseran, Франция
Альп тоғларидаги асфальтланган йўлларнинг энг юқорисида жойлашган бўлиб, фақат ёзда очилади, бу ердан Тур де Франс пойгалари ҳам ўтади.
Шимолий Юнгас йўли, Боливия
Ушбу йўл атрофи жуда чиройли бўлишига қарамай, анча хавфли ҳамдир: хавфли бурилишлар, фақат бир йўналишли ҳаракат ва тиғиз қайрилишлар бунга сабаб.
40-йўл, Аргентина
6000 километрлик йўл Аргентина шимолидан бошланиб, жанубида тугайди ҳамда 18 та дарё ва 20 та қўриқхонани кесиб ўтади.
Троллстинген, Норвегия
Бу йўл ҳақида фотосуратнинг ўзидан ҳамма нарсани билиб олиш мумкин. Фақтгина бир нарсани кўрсатиб бўлмайди: сурат Стигфоссен шаршарасинигн юқорисидан олинган.
Жабал Хафит, БАА
Узоқ йўлнинг охирида БААда баландлиги бўйича иккинчи ўринда турадиган тоғга дуч келасиз.
Оверсиз-Хайвей, Флорида, АҚШ
Йўл давомида 181 километрлик 42 та кўприкдан ўтишга тўғри келади. Гўёки сув юзасидан кетаётгандек бўласиз.
А82 йўли, Шотландия
Йўл давомида Шотландия табиатининг деярли барча қирраларини кашф этасиз.
Кебот, Канада
Ўрмонлар, океан ва китлар − Янги Шотландия табиатининг ўзига хос жиҳатларини ушбу йўл атрофида кўрасиз.
163-Трасса, АҚШ
Узунлиги 100 километрга ҳам етмайдиган йўл Аризонадан Ютадаги Ёдгорликлар водийсигача боради.
Обералп довони, Швейцария
2000 метр баландликдаги йўл фақат ёзда очиқ бўлади, қишда эса поездда бориш мумкин.
Рута 23, Аргентина
Колумбия дарёси бўйидаги йўл
Gotthard Pass, Италиядан Швейцарияга Альп тоғлари орқали ўтувчи йўл
Sun Road, Монтана, АҚШ
Millau кўприги, Франция
Изоҳ (0)