Magnitogorskdagi vayronalar ostidan tojikistonlik ayol va uning uch nafar farzandi jasadi topildi

Magnitogorskdagi gaz portlashi oqibatida qulagan ko‘p qavatli uy podyezdi vayronalari ostidan fojiadan uch kun o‘tib 4 nafar tojikistonlik — ona va uning uch bolasi jasadi topildi. Bu haqda Asia-Plus xabar bermoqda.

“Rajabmo Isoyeva va uning uch bolasi jasadi topildi. Yaqinlari ularni tanishga ulgurdi”, — dedi Tojikistonning Yekaterinburgdagi bosh konsuli Safar Safarov.

Konsulning aytishicha, jasadlar 2-yanvar kuni kechki payt topilgan, biroq ularni tanish uchun yaqinlari faqat ertasiga taklif etilgan. Halok bo‘lganlar jasadini Tojikistonga jo‘natish masalasi yaqin kunlar ichida hal etiladi.

Oila boshlig‘i, Tojikistonning Xatlon viloyati, Kushoniyon tumanilik 26 yashar Shuhrat Ulfatov vayronalar ostidan birinchilardan bo‘lib topilgan va kasalxonaga yotqizilgandi.