Toshkent shahri Sergeli tumanida 25-dekabrga o‘tar kechasi noma’lum kishilar bir nechta avtomobilning oynasini sindirgan va ularning salonidan pul va buyumlarni o‘g‘irlab ketgan. Toshkent shahar IIBB tomonidan xabar berilishicha, shu kunning o‘zida shu tumanda yashovchi ikki nafat o‘smir qo‘lga olingan, deb yozmoqda “Gazeta.uz”.
Sergeli tumani IIB xodimlari jabrlanganlardan birining xabariga asosan hodisa joyiga yetib borgan. Tonggi soat 3:00 dan 5:00 gacha bo‘lgan vaqt oralig‘ida sakkizta mashinaning oynalari sindirilgani aniqlangan. Biroq hodisa haqida ariza berishga besh nafar haydovchi rozi bo‘lgan.
Jinoyatga aloqadorlikda gumonlanganlar videokameralardagi tasvirlar bo‘yicha aniqlangan. Mazkur holat bo‘yicha O‘zbekiston Jinoyat kodeksining 169-moddasi (O‘g‘rilik) 2-qismi bilan jinoyat ishi qo‘zg‘atilgan.
Izoh (0)