London Olimpiadasi doping-testi natijalari qayta tekshirilishi oqibatida 116 ta musbat ko‘rsatkich aniqlandi, bu — rekord
2012-yilda Londonda bo‘lib o‘tgan yozgi Olimpiya o‘yinlarining doping-testlarini qayta tekshirish vaqtida 116 ta musbat namunalar topildi. Bu haqda Insidethegames xabar beradi.
Foto: “Gazeta.ru”
Avvalroq qo‘shimcha tekshiruvlardan so‘ng 5 nafar og‘ir atletikachi: ukrainalik Aleksey Toroxtiy (oltin, 105 kilogrammgacha bo‘lgan vaznda), Ozarbayjondan Valentin Xristov (bronza — 56 kilogrammgacha), 2016-yilgi Olimpiada chempioni Ruslan Nurudinov ( London Olimpiadasida 4-o‘rin, 105 kilogrammgacha bo‘lgan vaznda), belaruslik Nikolay Novikov (7-pog‘ona, 85 kilogrammgacha) va armanistonlik Meline Daluzyan (14-o‘rin, 69 kilogrammgacha bo‘lgan vaznda)larning doping-testlari ijobiy natija taqdim etgandi.
Qayta tekshiruvlar 2016-yilda boshlangan va bu kelgusi yillarda ham davom etadi. London Olimpiadasi tarixdagi eng “kir” musobaqa sifatida qayd etildi. Avvalgi rekord Pekin—2008 Olimpiadasida o‘rnatilgandi, o‘shanda 86 ta doping-testi natijalari ijobiy ko‘rinish olgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)