Rio—2016 Olimpiadasi chempioni Fazliddin G‘oibnazarov professional boksdagi navbatdagi jangini kimga qarshi o‘tkazishi ma’lum bo‘ldi.
Fazliddin 2019-yilning 8-yanvar kuni AQShda dominikanlik Rikardo Garsiyaga qarshi ringga ko‘tariladi. G‘oibnazarov shu kungacha professional boksda 6 ta jang o‘tkazgan va ularning barchasida g‘alaba qozongan. Uchta jangda esa raqiblarini nokautga uchratgan.
Rikardo Garsiya hozirgacha 19 ta jang o‘tkazib, 14 ta jangda raqiblarini mag‘lubiyatga uchratgan. 9 ta jangda esa raqiblarini nokautga uchratgan. Garsiya 4 ta jangida mag‘lubiyatga uchragan. Bitta jangida esa durang qayd etilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)