Лондон Олимпиадаси допинг-тести натижалари қайта текширилиши оқибатида 116 та мусбат кўрсаткич аниқланди, бу — рекорд
2012 йилда Лондонда бўлиб ўтган ёзги Олимпия ўйинларининг допинг-тестларини қайта текшириш вақтида 116 та мусбат намуналар топилди. Бу ҳақда Insidethegames хабар беради.
Фото: «Газета.ru»
Аввалроқ қўшимча текширувлардан сўнг 5 нафар оғир атлетикачи: украиналик Алексей Торохтий (олтин, 105 килограммгача бўлган вазнда), Озарбайжондан Валентин Христов (бронза — 56 килограммгача), 2016 йилги Олимпиада чемпиони Руслан Нурудинов ( Лондон Олимпиадасида 4-ўрин, 105 килограммгача бўлган вазнда), беларуслик Николай Новиков (7-поғона, 85 килограммгача) ва арманистонлик Мелине Далузян (14-ўрин, 69 килограммгача бўлган вазнда)ларнинг допинг-тестлари ижобий натижа тақдим этганди.
Қайта текширувлар 2016 йилда бошланган ва бу келгуси йилларда ҳам давом этади. Лондон Олимпиадаси тарихдаги энг «кир» мусобақа сифатида қайд этилди. Аввалги рекорд Пекин—2008 Олимпиадасида ўрнатилганди, ўшанда 86 та допинг-тести натижалари ижобий кўриниш олганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)