“Chelsi” ijaradagi hujumchisini yana ijaraga berib yuboradi

Belgiyalik hujumchi Mishi Batshuayi yana klubini o‘zgartirishi mumkin, deb yozadi “Sports.ru”.

Transfer huquqi “Chelsi”ga tegishli bo‘lgan Batshuayi ayni damda ijara asosida “Valensiya” safida to‘p surmoqda. Ammo ispan klubi futbolchini to‘liq sotib olish borasida bir qarorga kela olmayapti.

Qayd etilishicha, Mishi katta ehtimol bilan qishki transferlar vaqtida “Chelsi”ga qaytarib yuboriladi.

London klubi esa Batshuayini “Kristal Pelas”ga yuborish variantini ko‘rib chiqmoqda. “Chelsi” futbolchining xizmatlarini allaqachon “Kristal Pelas”ga taklif qilib bo‘lgani aytilmoqda.

Mishiga, shuningdek, hozirda “Monako”, “Milan” va “Roma” klublari ham qiziqish bildirmoqda.

Ma’lumot uchun, futbolchi joriy mavsum 13 ta o‘yinda maydonga tushib, 1 ta gol urdi.