Osiyo futbol konfederatsiyasi Tartib-intizom va Etika qo‘mitasi O‘zbekiston futbol federatsiyasi xodimi Behzod Mirtimirovni 2 oyga futbolga bog‘liq har qanday faoliyat bilan shug‘ullanishdan chetlatdi, deb yozadi “Championat.asia”.
Qarorga ko‘ra, Mirtimirov futbolga doir har qanday faoliyatdan ikki oyga chetlatildi. Unga nisbatan Osiyo futbol konfedertasiyasining Tartib-intizom va Etika qo‘mitasi Tartib-intizom kodeksining 104-moddasi bo‘yicha qaror chiqarilgan.
“Mirtimirov OFK surishtiruvida ishtirok etishdan bosh tortgani uchun futboldan chetlatildi. U futbolga doir hech qanday ishda faoliyat yurita olmaydi. U Kuala Lumpurga kelib, OFKning taklifiga ko‘ra surishtiruvda ishtirok etishdan bosh tortdi. OFK ma’lumot yig‘ish borasida ish olib borayotgani bois toki surishtiruv o‘z nihoyasiga yetmaguncha qadar bu borada boshqa ma’lumot bermaydi”,— deyiladi OFK qarorida.
“Championat.asia”ning yozishicha, Behzod Mirtimirov O‘zbekiston futbol assotsiatsiyasida tarjimon sifatida faoliyat yuritadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)