Toshkentda 19-dekabr kuni tunnellardan birida Lacetti avtomobili ag‘darilib ketdi. Bu haqda IIBB xabar berdi.
“Bugun (19-dekabr) ertalab 9:00 atrofida 102 raqamiga Sebzor ko‘chasidagi tunnelda yuz bergan YTH haqida xabar kelib tushdi. YTH Lacetti avtomobili haydovchisi 20 yoshli Odilbek A. boshqaruvni eplay olmay qolgani tufayli sodir bo‘lgan. Oqibatda avtomobil ko‘chani yoritish ustuniga urilib, ag‘darilib ketgan”, — deyiladi xabarda.
Haydovchi kasalxonaga yetkazilgan. Unda o‘rtacha og‘irlikdagi tan jarohatlari aniqlangan. Ayni paytda uning ahvoli qoniqarli deb baholanmoqda.
Izoh (0)