Beshta investitsiya jamg‘armasi Venesuela hukumatidan muddatidan oldin qarzlarini to‘lashni va navbatdagi to‘lovlardan keyin ularning foizlarini to‘lab berishni talab qilmoqda. Bu haqda Reuters xabar berdi.
Gap 1,5 milliard dollar miqdoridagi yevrobond qarzlari haqida ketmoqda. Ularni so‘ndirish muddati 2034-yilgacha bo‘lgan. Venesuela mazkur qarzlar bo‘yicha 140 million dollarni o‘z vaqtida to‘lamagan.
Investorlarning vakili bo‘lgan Robbins Russell yuridik firmasi tomonidan ma’lum qilinishicha, talab o‘z mablag‘larini qaytarish uchun birinchi qadam hisoblanadi, undan keyin sud da’vosi ham berilishi mumkin. Venesuela o‘z majburiyatlarini to‘lay olmaydi va u defolt (qarz majburiyatlari bo‘yicha foizlar yoki asosiy qarzni to‘lay olmaslik) holatida turibdi.
Qonunga ko‘ra, mamlakat bu talablarni zudlik bilan bajarishga majbur, biroq to‘lovlarning amalga oshirilmasligi ehtimoli sababli ko‘p yillik sud ishi boshlanishi kutilmoqda.
Bu qadam boshqa investorlar tomonidan ham shu kabi talablar qo‘yilishiga olib kelishi mumkin. Muomalada jami 60 milliard dollarlik davlat obligatsiyalari mavjud.
Izoh (0)