Navoiy viloyatining Karmana tumanida Rossiyaning “Salyus” kompaniyasi bilan 10 million AQSh dollari miqdoridagi “Hamkorlik memorandumi” asosida “Salyus-O‘zbekiston” qo‘shma korxonasi tashkil etildi. Bu haqda O‘zA xabar berdi.
O‘zbekiston Fanlar akademiyasi Navoiy bo‘limi ushbu qo‘shma korxonaning O‘zbekiston tomonidan ta’sischisi sifatida o‘zining 25 foizlik ilmiy-texnikaviy va intellektual ko‘magi bilan ishtirok etadi.
Akademiya matbuot xizmati tomonidan berilgan xabarga qaraganda, ushbu korxonaning istiqboldagi dasturida Navoiy, Samarqand, Andijon, Farg‘ona va Namangan viloyatlarida bugungi kunda eng zamonaviy innovatsion texnologiya bo‘lgan elektron tezlatgichlar orqali olinadigan yuqori quvvatli elektronlar energiyasidan foydalangan holda qishloq xo‘jalik mahsulotlariga ishlov berishga ixtisoslashgan ilmiy-ishlab chiqarish markazlarini tashkil etish rejalashtirilgan.
Izoh (0)