PFL bugun Superliganing eng yaxshilarini taqdirlaydi

14-dekabr, juma kuni Professional futbol ligasi ortda qolgan mavsumdagi Superliganing eng yaxshilarini taqdirlaydi.

Tashkilot quyidagi nominatsiyalarda sovrinlarni topshirishi ko‘zda tutilgan:

• O‘zbekiston chempionatining eng yaxshi futbolchisi;
• O‘zbekiston chempionatining eng yaxshi murabbiyi;
• O‘zbekiston chempionatining eng yaxshi darvozaboni;
• O‘zbekiston chempionatining eng chiroyli goli;
• PEPSI Superliga-2018 to‘purari;
• O‘zbekiston chempionatining eng yaxshi yosh futbolchisi;
• O‘zbekiston chempionatining eng yaxshi ayol futbolchisi;
• O‘zbekiston chempionatining eng yaxshi futzalchisi;
• Fair Play sovrini;
• Professional futbol ligasi maxsus sovrini.

Shuningdek, yil yakunlariga bag‘ishlangan tantanali marosimda mavsum davomida o‘z sohasi bo‘yicha qolgan klublarga o‘rnak bo‘la oladigan tarzda faoliyat olib borgan eng yaxshi matbuot xizmati, eng yaxshi marketing xizmati va qolaversa, muxlislar bilan ishlashda yaxshi natijalarga erishgan fan-klublar ham alohida taqdirlanadi.

Yilning eng chiroyli goli sovriniga da’vogarlar:

• Azizbek Haydarov – (“Bunyodkor” – “Lokomotiv” o‘yinida)
• Igor Yelich – (“Lokomotiv” – “Paxtakor” o‘yinida)
• San’at Shixov – (“Buxoro” – “Metallurg” o‘yinida)
• Sherzod Hakimov – (“Bunyodkor” – “Neftchi” o‘yinida)
• Ivan Nagayev – (“Qizilqum” – OKMK o‘yinida)

Yilning eng yaxshi yosh o‘yinchisi bo‘lishga da’vogarlar:

• Oston O‘runov (“Navbahor”)
• Bobir Abduholiqov (“Nasaf”)
• Jasur Jaloliddinov (“Bunyodkor”)

Yilning eng yaxshi ayol futbolchisi sovriniga da’vogarlar:

• Kamila Zaripova (OKMK)
• Lyudmila Karachik (“Bunyodkor”)
• Nilufar Qudratova (“Sevinch”)

Yilning eng yaxshi murabbiyi bo‘lishga da’vogarlar:

• Mirjalol Qosimov (“Bunyodkor”)
• Baxtiyor Ashurmatov (OKMK)
• Andrey Fyodorov (“Lokomotiv”)

Yilning eng yaxshi darvozaboni sovriniga da’vogarlar:

• O‘tkir Yusupov (“Qo‘qon-1912”)
• Eldor Suyunov (“Paxtakor”)
• Ignatiy Nesterov (“Lokomotiv”)

Yilning eng yaxshi futbolchisi bo‘lishga da’vogarlar:

• Marat Bikmayev (“Lokomotiv”)
• Tiago Bezerra (“Paxtakor”)
• Javlon Ibrohimov (“Bunyodkor”)