Ingliz tili o‘qituvchisi Rashid Sekkay Saudiya Arabistoni merosxo‘r shahzodasi Muhammad ibn Salmon al-Saudning bolaligi haqida so‘zlab berdi. U o‘z hikoyasini BBC News axborot portali bilan bo‘lishdi.
Hozirda “BBC News Arabiston xizmati”da ishlovchi Rashid Sekkay 1996-yilda Saudiya Arabistoni shahzodalariga ingliz tilidan dars bergan.
Sekkayning so‘zlariga qaraganda, Muhammadga darslarda o‘tirishdan ko‘ra, saroy qo‘riqchilari bilan suhbatlashish qiziqarliroq bo‘lgan. Shahzoda darslardan biriga ratsiyani olib kirgan va butun dars davomida u orqali qo‘riqchilar va ukalari bilan gaplashib o‘tirgan, o‘qituvchisi haqida hazillashgan.
“Bolalardan to‘ng‘ichi sifatida unga istagan narsasini qilishga ruxsat berilgan edi”, — deb xotirlaydi jurnalist.
Shunga qaramasdan, u Muhammad va uning ukalari bilan tez orada yaqinlashib ketganligi va ular o‘zini odatdagi bolalardek tutganligini ta’kidlaydi.
Izoh (0)