1-dekabr, shanba kuni futbol bo‘yicha Italiya A Seriyasining 14-turi doirasida uchta o‘yin bo‘lib o‘tdi.
Turning ilk o‘yinida SPAL jamoasi o‘z maydonida “Empoli”ni mehmon qilib, 2:2 hisobida durang o‘ynadi.
Krishtianu Ronaldu yetakchiligidagi “Yuventus” Florensiyaga — “Fiorentina” maydoniga safar qildi. O‘yinda hisob Turin klubi futbolchisi Roberto Bentankur tomonidan 31-daqiqa ochildi. Ikkinchi bo‘limning 69-daqiqasiga kelib, Jorjio Kyellini “Yuve”ni 2 ta to‘p farqi bilan oldinga borishini ta‘minladi. 79-daqiqada esa penaltidan gol urgan Ronaldu o‘yinga yakuniy nuqtani qo‘ydi. Shu tariqa “Yuventus” o‘z hisobidagi ochkolari sonini 40 taga yetkazib oldi.
2-dekabr, yakshanba kuni “Milan” “San-Siro”da “Parma” bilan bellashadi. “Latsio” esa ushbu turda “Kyevo” mehmoni bo‘ladi. Turning markaziy o‘yini esa Rimda kechadi. Unda “Roma” jamoasi Milanning “Inter” klubini qabul qiladi.
14-turning so‘nggi o‘yini esa 3-dekabr, dushanba kuni bo‘lib o‘tadi. Unda “Napoli” jamoasi “Atalanta” maydoniga safar qiladi.
A Seriya
14-tur bahslari
1-dekabr, shanba
SPAL—“Empoli” 2:2
Gollar: 1:0 – 5 Kurtich, 1:1 – 24 Kaputo, 1:2 – 43 Krunich, 2:2 – 67 Kurtich.“Fiorentina”—“Yuventus” 0:3
Gollar: 0:1 – 31 Bentankur, 0:2 – 69 Kyellini, 0:3 – 79, penalti Ronaldu.“Sampdoriya”—“Bolonya” 4:1
Gollar: 1:0 – 10 Prat, 1:1 – 17 Poli, 2:1 – 25 Kualyarella, 3:1 – 40 Ramires, 4:1 – 68 Kualyarella.2-dekabr, yakshanba
Izoh (0)