Toshkentda o‘tkazilayotgan moda haftaligi doirasida taniqli hind modelyeri Ritu Berining 7 xil rangdagi yangi liboslari namoyishi bo‘lib o‘tdi. Bu haqda “Turon 24” xabar bermoqda.
Ko‘rgazmada dizaynerning zamonaviylik va klassikani uyg‘unlashtirgan qimmatbaho kolleksiyasi taqdim etildi. U zardo‘zlik orqali ishlov berilgan liboslarni harir matolar uyg‘unligida namoyish etdi.
Ritu Beri liboslari namoyishiga O‘zbekistonning birinchi xonimi Ziroat Mirziyoyeva ham tashrif buyurdi.
Modelyer Ritu Beri dizaynerlik kompaniyasining rahbari va “Yaxshi ko‘rinishning 101 usuli” nomli moda kitobi muallifi. Fransiyaning Scherrer moda brendida eng birinchi osiyolik dizayner sifatida faoliyat yuritgan Ritu Beri kolleksiyalari Parij, Pekin, Vashington, Nayrobi va Kohira shaharlarida namoyish etilgan.
Izoh (0)