Тошкентда ўтказилаётган мода ҳафталиги доирасида таниқли ҳинд моделери Риту Берининг 7 хил рангдаги янги либослари намойиши бўлиб ўтди. Бу ҳақда «Turon 24» хабар бермоқда.
Кўргазмада дизайнернинг замонавийлик ва классикани уйғунлаштирган қимматбаҳо коллекцияси тақдим этилди. У зардўзлик орқали ишлов берилган либосларни ҳарир матолар уйғунлигида намойиш этди.
Риту Бери либослари намойишига Ўзбекистоннинг биринчи хоними Зироат Мирзиёева ҳам ташриф буюрди.
Модельер Риту Бери дизайнерлик компаниясининг раҳбари ва «Яхши кўринишнинг 101 усули» номли мода китоби муаллифи. Франциянинг Счеррер мода брендида энг биринчи осиёлик дизайнер сифатида фаолият юритган Риту Бери коллекциялари Париж, Пекин, Вашингтон, Найроби ва Коҳира шаҳарларида намойиш этилган.
Изоҳ (0)